Ein eld går føre oss

Den franske poeten Yves Bonnefoy vart fødd i Tours i 1923. I ein periode studerte han matematikk og filosofi, men konsentrerte seg etter kvart om poesien. Allereide ved debuten i 1953 markerte han seg som ein av dei førande poetane i Frankrike. Han har til no publisert sju diktsamlingar, ved sidan av ein god del bøker om kunst og litteratur. I byrjinga av forfattarskapen vart han rekna som ein av dei siste surrealistane, men han braut med denne rørsla fordi han meinte dei hadde ei misforstått oppfatning av kva røyndom er. Bonnefoy er rekna som Frankrikes førande Shakespeare-gjendiktar. Geir Pollen, som tidlegare har gitt ut tre diktsamlingar, har skrive eit instruktivt etterord om Bonnefoy og hans poesi.