Hjarteord

Hjarteord er Ane Soldal Hagebø sin debut som forfattar. Med nære, varme ord frå rommet inst i hjartet, skildrar ho den kjenslevare reisa frå draum til røyndom. Dikta beskriv bornet frå eit ønskefrø og fram til det slepp handa di på fyrste skuledag, og alle kjenslene du treffer på vegen. «Det å få born er ei kjenslemessig berg-og-dalbane: fortryllande magisk, men krevjande og altoppslukande. Diktsamlinga er eit forsøk på å skildra og fanga alle desse overveldande kjenslene og kontrastane. Eg håpar du kan kjenna deg att i orda, anten du står midt oppi det no, eller om du drøymer deg tilbake eller fram i den tida der kjærleik når nye dimensjonar. »