Nedtur

Korte linjer om livet alt frå dårleg råd til klimatrusselen, om å vere arbeidslaus, å sjå ungar vekse opp, vere einsam midt i livet, dårleg sjølvbilde. Ironi, svart humor, alle kan kjenne seg att, alle har vi vore innom, det går bra. NEDTUR - eit forfriskande innslag i rekkja av sjølvhjelpsbøker som viser oss korleis vi skal bli glade, positive og vellukka! OM FORFATTAREN: Karin Vatne (f. 1967) frå Skjolden har skrivebordsskuffer fulle av serviettar og kaffifilter med nedskribla dikt og ymse tekstar på som aldri har sett dagens lys, i motsetning til dei i denne boka. Tekstane har blitt til over fleire år, i takt med frustrasjonar og nedturar som har meldt seg. Karin bur i Sogndal med tre søner, sambuar og hund, og studerer barnevern ved Høgskulen i Sogn og Fjordane. Nedtur er den første boka hennar, og som den pessimisten ho er, reknar ho med at det også vert den siste.