På hjul

I 1901 kom den første bilen over fylkesgrensa til Sogn og Fjordane, på tur over Filefjellet. To år seinare kjøpte Gabriel Bjørnereim frå Breim den første bilen. Halvveges i hundreåret var det berre 1974 køyretøy i fylket, medan talet i 2006 var 94820, nesten eitt for kvar innbyggjar. På hundre år har bilen blitt allemannseige og avgjerande for utviklinga i fylket. Denne boka fortel bilen si historie i Sogn og Fjordane. Om pionerane, dei første bilane og rutebilselskapa. Om vegane, bilforhandlarane og biltilsynet. Og om bilentusiastane som brukar fritida si på veteranbilar, bilsport eller rett og slett berre likar bilar. Boka er krydra med gode historier og er rikt illustrert.