Stå i stein

Typisk for indre Agder med tilgrensande heiar er snaue berg som stikk opp or lyng- og torvmarka. På slike snaue berg kan ein finna fleire slags rare steinsetjingar: Brudled som etter segna vart lagde av brudefølgje, likkviler som etter segna vart lagde av likberarar, varp som vart oppkasta av vanlege vegfarande, og dessutan vegvisarsteinar og liknande. Boka tek føre seg over 400 slike rare steinsetjingar. Boka burde kjøpast av alle lokalsogeinteresserte heievandrarar. Torfinn Normann Hageland vart fødd i 1951, er ugift, bur i Kristiansand og arbeider som kulturminnekonsulent hjå Fylkeskonservatoren i Vest-Agder, Vest-Agder fylkeskommune. Han er ein gamal heievandrar. Han har skrive 46 artiklar i ulike årsskrift, delar av tre bøker, kulturminne-delen av fleirbruksplanen for Setesdal vesthei ? Ryfylkeheiane og sju heile bøker.