Til fjells i Sogn og Jotunheimen

Tor Yttri har gjennom mange år samla naturopplevingar. Gjennom praktboka ynskjer han no å dela litt av dei med andre. Dei personlege og humoristiske turskildringane hans er prega av ei smittsam turglede, og det er vanskeleg å ikkje verta riven med. Han tek lesaren med på både fottur, skitur, padletur, klatretur, ridetur og tinderandling. I tillegg til klassiske turmål som til dømes Jostedalsbreen, Mørkrisdalen og Skagastølsryggen, ynskjer Yttri å visa mindre kjende perler som til dømes Sogndalsdalen med fjelltoppane Frudalshesten og Blåfjell. I Luster avslører han mellom anna gode fiskeplassar i Feigedalen, padlar mellom isfjell på Styggedalsvatnet og overnattar i den utruleg vakre Yngsdalen.