Der ingen skulle tru at nokon kunne bu

Dette er tittel nummer to som byggjer på ein av dei mest populære norske fjernsynsseriane i moderne tid. Oddgeir Bruaset tek lesarane med på 15 reiser til dei mest avsidesliggjande stadene i Noreg og folket som bur der. Alle vi møter, har gjort eit bevisst val om å bu i utkanten, og dei har gjort det fordi dei trur dei på denne måten får mest ut av livet. Men for å kunne greie seg må dei vere psykisk sterke, sjølvhjelpte og ha evne til å løyse problema på eiga hand. Mange gjev dessutan avkall på mykje av den komforten som dei fleste av oss søkjer. Det er vel verdt å lytte til tankane og oppfatningane deira, for kanskje er det dei, meir enn oss, som har funne livslykka, seier forfattaren.