Dikt i samling

Tor Obrestad: Romanforfattar, novellist, biograf, essayist, historikar, gjendiktar og journalist. Men det var som lyrikar han debuterte i 1966, og det var lyrikken hans som i første hand skaffa han rom mellom dei fremste Profil-forfattarane i 1960- åra. Med debutsamlinga Kollisjon reinsar han det lyriske språket for klisjear og slagg. I seinare samlingar let han dette språket falda seg ut i frodige, saftige bilete, der den reine poesien finst i det ureine, som er menneske, kroppar, sansing og kjærleik i ei brokut og flokut verd – urein poesi i eit reinsa språk. Dikt i samling gir lesaren eit etterlengta oversyn over denne rike lyriske forfattarskapen.