Sonetapet

Islendingen Egil Skallagrimsson (kring 910-990) er den mest namngjetne skalden i norrøn tid. Kvada hans er eineståande augevitneskildringar av dramatiske hendingar på 900-talet, mange på Vestlandet. Han er den første i vår nordiske kulturkrins som gjev oss innsyn i sine eigne kjensler, i ei diktform som når oss også i dag.

Utvalet omfattar størstedelen av kvada hans, med sørgjekvadet Sonetapet som det fremste.

Kvada er gjendikta av Odd Jarle Kjørstad (f. 1952) frå Hornindal i Nordfjord og er busett i Fjaler. Han har mellom anna eksamen i islandsk frå Universitetet i Bergen. Ikkje få av kvada vart til i Fjordane, og lokalkunnskapen har bidrege til tolkingane.