Fuglejenta

Ein fabel om kampen mellom menneske og natur, og om ei jente som vil lære seg å snakke fuglane sitt språk. Fortellinga tek også for seg eit anna stort spørsmål; krigen. Som andre fablar eller legender om menneskeleg overmot, handlar også denne om det grådige mennesket og undergangen som ventar den som ikkje underordnar seg naturens lover. Kan slike store spørsmål takast opp i ei bildebok? Ja, dersom det skjer ut frå ein fabel, ei fortelling som i og for seg er enkel, og med ein hovudperson som er eit lite barn, ei jente som berre vil leike og leve og utforske naturen. Boka er blitt til gjennom nært samarbeid mellom forfattar og illustratør.