Full rulle på norske spor

Jernbane er meir enn parallelle jernskinner på kryss og tvers over vårt land og dei fleste land. Jernbane er ingeniørar og rallarar og kokker og bygging av banar i utilgjengelege landskap. Jernbane er gammal og moderne teknikk, frå damplokomotiv til flytoga. Jernbane er reiser, arbeidsreiser og Amerika-reiser i gamle dagar, besøket og turistreisa og interrailturen og syklinga med dresin på nedlagde spor i vår tid. Det er tunge avskilsstunder og gledelege møte, nye venner og nye opplevingar. Full rulle på norske spor av Bjørn Karsrud og Aud Søyland handlar om jernbanens historie, drift, teknikk, arkitektur, funksjon og framtid. Boka er skriven til 150-årsjubileet for norsk jernbane i 2004. Boka er mest for ungdom mellom ni og femten, men også for andre nysgjerrige.