Jess

Jess var min fyrste hund, og som grønskolling vart læringskurva bratt. Hadde eg hatt meir tolmot hadde vegen fram mot målet vore mindre krokut, men eg var ung den gongen - difor hadde eg dårleg tid. Hundar er individ. Dei har sine personlegdomar med ulike evner og eigenskapar. Jess var ein talentfull jakthund, og eg har mange gode minne frå turane i fjellet saman med han. Men jakt er det berre ein liten del av året. Det vert difor endå viktigare at hunden fungerer i dagleglivet med familien sin, at han har god psyke og godt humør. Jess hadde alt og meir til. Jess kan eg aldri gløyma. Eg har samla nokre av episodane eg hugsar best frå tida saman med Jess, min gode jaktkamerat og trufaste ven gjennom mange gode år.