Hallingdal i biletkunsten

"Hallingdal i biletkunsten" er ei reise gjennom Hallingdal og sidedalane. Boka er samstundes ei reise gjennom norsk kunsthistorie. Og boka er ei reise gjennom lokalhistoria. Me møter nesten hundre kunstnarar med sine skissebøker og målarsaker, men også bygdefolket, kona i vevstolen og ved primkjelen, huslyden ved matbordet, jenta i skurden, guten på nattefriing, mannen på hesteleiting, spelemannen på taket og fanden sjølv på øltønna. Me møter alle dei sju stavkyrkjene, gardstun og stølar, små naturdetaljar, opne jordbrukslandskap og nakne fjell. Rundt hundre kunstnarar blir presenterte med omtale og i alt 240 bilete. Engelsk samandrag og bilettekster.