Nytt mot på livet

Stendig fleire av oss er slitne. Blir kanskje utbrende . eller kva skal det kallast. Den erfarne psykiateren Hans Olav Tungesvik vil heller bruka orda uttappa, for det får oss til å tenkja på noko som må fyllast på nytt. Ofte treng ein hjelp til å stoppa denne energilekkasjen, og auka tilførsla igjen. Tungesvik har hjelpt menneske som har opplevd sorg, overgrep, spiseforstyrrelsar og ulukker. Her gjev han oss sine refleksjonar omkring historiene til desse menneska . enkelt, direkte, med klokskap og varme. Slik kan vi læra av andre sine erfaringar, og kanskje handla i forkant.