Slutningar til knes

Slutningar til knes fjernar seg frå Eit hus mellom andre - eller kan lesast som eit framhald av denne boka frå 2003. Årets diktsamling er enklare i lyd og fargar, men oppviser utdjuping av tema og påstandar. Scenene er enda fleire no, det biologiske mangfaldet større; her kan opptre versemeter, midt- og enderim og overraskingar. Rykkja har enda oftare zooma inn menneska og småstaden ved Skagerrak. Slutningane er til knes, berre til knes, ikkje til halsen.