Vatne

I denne boka deler vi historier frå Vatne slik livet var i vår barndom då alle kjente alle, TV var eit stort nyhende, og det var lange ventelister for å få lagt inn telefon. Vi minnast nysteikte fiskekaker frå Fiske-maten, brunsukker frå Roaldbuda, politi- og røvarkrigar mellom tysker-bunkersane, høyonn og potetferie og mange andre små og store hendingar som gjekk føre seg på den tida. Boka vil heilt sikkert friske opp minnet til lesarar i vår eiga aldersgruppe, og kanskje også gi dei yngre innblikk i verdifull historie frå Vatnebygda på 1950- og 60-talet.