Levande tradisjonsmat
Sammendrag
Kva er tradisjonsmat, og kven lagar dette no for tida? Korleis står det til med måltidet - er det framleis det naturlege samlingspunktet i familien? Desse og fleire spørsmål hadde forfattar Heidi Eikremsvik i bakhovudet då ho besøkte matelskarar i åtte kommunar i Sunnhordland. I boka møter du kvinner og menn som gjerne deler oppskriftene og triksa sine med deg. Forfattaren har reist rundt i bygdene og snakka med dei som praktiserar lokal matkultur. Det vere seg heime på kjøkkenet, i misjonsforeininga, på sjukehuskjøkkenet, undervisningsrommet på barneskulen eller på kokkelina i den vidaregåande skulen. Heidi Eikremsvik er journalist og forfattar og kjem frå øya Sula ved Ålesund. Eikremsvik bur på Stord, og har frå før skrive boka "Fyrfolk", som kom i 2006 på Selja forlag.