Slit og draumar i Bjoadalen

I 2021 var det hundre år sidan bureisarane starta opp i Bjoadalen. Dette var eit fint høve til å få skrive ned historien om desse framsynte og modige menneskja, som pakka det vesle dei hadde og flytta ut i veglaus myr, for å prøva og skapa seg eit liv på eigen gard. Boka fortel om alle dei 14 bruka i dalen, om personane, arbeid, samhald, knallhardt strev og stubbar frå gode og vonde dagar frå oppstarten og fram til i dag, både om dei som klarte seg, og om dei som ikkje fekk det til.