Meir tyleskap

Det er truleg berre vas at ein god latter forlengjer livet. Det er på ein måte vedteke, utan å vera det. Men livskvaliteten aukar med mykje humor. Kanskje Meir tyleskap kan få deg til å dra på fliren? Kanskje du til og med kan leva litt lenger?

Jens Brekke er omreisande i humor og historieforteljing og har alltid øyro opne for nye gullkorn. Han er ein meister i å lytte og å sjå historier i det som hender rundt han. Kvart år kjem han med nye utgåver av heftet Illustrert tyleskap, der han på breitt «sognamaol» fortel korte og lange stubbar. I denne boka har vi valt ut dei beste historiene frå dei ti siste årgangane, og «omsett» dei til nynorsk. Boka er illustrert av visesongar og forfattar Ola Bremnes.