Missa millennium

Med diktsamlinga MISSA MILLENNIUM samlar Olav Mosdøl inntrykka ved eit tusenårsskifte. Mange føler at livet rasar forbi, sterke krav frå nærmiljø og arbeidsliv får tida til å smuldre, og dissonansar murrar i kroppen. Poeten gjer "messa" til ei rørsle mellom tilbake og fram, mellom det menneskelege og det guddommelege; ein prosess for å sjå dei splintra opplevingane i større samanheng. Mennesket må feste røtene i jorda for å lyfte andletet mot himmelen, for å bere bører i motvind.