Nærbilete av ein draktskikk

Den tradisjonelle lokale klededrakta "dåsaklede", som ho vart kalla i Ål og Hol i Hallingdal, held seg lenger her enn i dei fleste andre folkedraktområde i Norden. Med utgangspunkt i eige feltarbeid gir Aagot Noss i denne boka ei detaljert skildring av dåsaklede-bruken slik han var i 1950-åra. Ho gjer greie for korleis plagg og bruk endra seg på vegen frå tradisjonell draktskikk til samtidig motedrakt. Ho drøftar også forholdet mellom dåsaklede og dagens bunad. Boka er rikt illustrert med biletseriar av påkledningsmåtar, mønsterteikningar og fotografi.