På fjellhylle og havstrand

Boka tek for seg livet på avsidesliggjande gardar i Nordfjord, der landskapet er meir skiftande enn i mest nokon annan del av landet. Folk har slege seg ned i dei tronge dalane inne ved Jostedalsbreen, dei har bygd og budd langs dei veglause innsjøane der isen titt gjorde livet utrygt, og dei har funne si føde i bratte, rasfarlege fjellsider og i fjellkløfter. Der har folk levd eit forvitneleg liv, og somme gjer det enno. Forfattaren har vore innom seksti-sytti gardar og grender, der alle kommunane er representerte. Det er lagt mest vekt på det som særmerkjer dei avsidesliggjande gardane. Med oversikt over kjelder.