Papirfly

Dei hadde vore kameratar så lenge Jan kunne hugsa. Men så blei Joakim borte. Han er hos Gud i himmelen, seier Anka i barnehagen. Han er blitt til jord som det veks blomar i, seier mamma. Kvar er Joakim? Gud må jo vita det. Papirfly, tenker Jan. Han kunne skriva eit brev til Gud, og senda det fram i lyset som rann inn gjennom dei store glasa langt der framme, der Gud var. Denne novella av lyrikaren Odveig Klyve danner grunnlaget for ein barnefilm som lanserast i september. Til bildebokversjonen har illustratøren Åse Anda laga fargelysanda akvarellar med ei personleg tolking av den vesle guten på leit etter ei stor sanning, og av den vaksne som kjem han i møte på ein konkret, frigjerande måte. illustrert av Åse Anda