Pietist i kulturkamp

Denne boka handlar både om ein person og eit parti, det er med andre ord ingen rein biografi men ei framstilling med sterke biografiske trekk. Nils Lavik, småbrukaren frå Eksingedalen, predikant, redaktør og profilert indremisjonsmann vart den første stortingsrepresentanten for det som vaks fram til Kristeleg Folkeparti. I 2003 er det 70 år sidan Hordaland KrF vart skipa. Den biografiske tilnærminga i boka er først og fremst prega av Nils Lavik slik han trer fram i sine eigne dagboknotat . Framstillinga er med å kasta nytt lys både over pionerpolitikaren og partiet han kom til å målbera, ikkje minst i kulturkampen i 1930-åra.