Garborg 2.0

At Arne Garborg i sine siste 20 år nådde fram til eit universelt livs- og samfunnssyn har delvis vorte ignorert eller misforstått i Garborg-forskinga, men også hos folk flest, med nokre få unntak.

Dessutan finst det eit universalmenneske som liknar Garborg, som også dei siste åra arbeidde for rettferd, menneskerettar og fred, og som gjekk gjennom dei same fasane av barnetru, fritenking, agnostisisme for til sist å hamna i gnosis, ei spirituell frigjering frå all religion. Dette mennesket var Albert Einstein.

Mest av alt kan i dag deira tanke- og verdisyn vera til inspirasjon for dei som arbeider for ei ny og betre verd, for dei som veit at vi elles på eit eller anna vis kjem til å møta veggen, slik World Economic Forum viser til trugsmåla som menneskeslekta står framfor.

Rolf er utvandra jærbu, forfattar og teknisk revisor som sidan 1999 har engasjert seg mykje for Arne Garborg. Han har skrive mange artiklar og kronikkar.