Røykstova

Denne boka gjev eit bilete av det gamle norske bustadshuset, korleis det var bygt, korleis folk budde og ikkje minst korleis hustype og levesett har påverka kvarandre. Desse husa har vore samanhengjande i bruk her i landet frå tidleg i mellomalderen og heilt fram i vår tid. Same konstruksjonsform og same innreiing har halde seg i hundreår etter hundreår. Forfattarane fortel mykje nytt frå eigne granskingar, ikkje berre om røykstovene, men også om livet i dei gamle stovene. Byggeskikk, daglegliv og kulturtradisjonar er deler av ein heilskap.