Byggjefesten

Kring 1965 skaut utviklinga i Førde fart, og bygdebyen opplevde dei neste tiåra den mest ekspansive perioden eit lokalsamfunn i Sogn og Fjordane har opplevt. På denne tida stod fire bondesøner frå Gaular klar til å vere med på byggjefesten både i indre Sunnfjord og andre stader i Sogn og Fjordane. Gunnar, Andreas, Finn og Fritz Hjelmeland hadde etablert seg med tre entreprenørselskap som i løpet av nokre hektiske tiår gjennomførde rundt 250 store byggjeoppdrag . i tillegg til mange mindre. Krona på verket var bygginga av Sentralsjukehuset i Førde i åra 1975-79. Medan Sogn og Fjordane var prega av sjukehusstrid, skulestrid og kamp om nye arbeidsplassar, skaffa dei tre Hjelmeland-selskapa seg ein eineståande posisjon i det lokale næringslivet. Denne boka fortel for første gong historia om Hjelmelandskarane, som i alle sine aktive år knapt let seg intervjue av noka avis. Boka er rikt illustrert.