70 sætreturar på Sunnmøre

Tur - kultur - natur 70 sætreturar på Sunnmøre er ei turbok for heile familien. Vi har valt ut 70 turar til meir enn 120 sætrar - frå strandsætrane ytst mot havet til dei store fjellsætrane inst i fjordane. Dei fleste er familievennlege turar i lett terreng. Andre må du anstrenge deg litt meir for å nå. For kvar sæter får du forslag til andre turar du kan ta i området. Dette er ei unik turbok. Ho knyter turopplevinga saman med innsikt og kunnskap om den fascinerande kulturhistoria sætrane er ein del av - med geiter og kyr, ysting og kinning, budeier og friarar. 70 sætreturar på Sunnmøre er boka for alle turglade sunnmøringar - og alle som er på besøk på Sunnmøre.