Skrifter i samling. Bd. 1

Første bind av 12 som omfattar forfattarskapen til Olav Duun. "Løglege skruvar og anna folk" (1907), Duuns debutbok, er ei samling folkelege forteljingar om taparar og avvikarar. "Marjane" (1908), Duuns første roman, er ei kjærleikssoge med røter i 1890-talslitteraturen. "På tvert" (1909) er ein meir moderne roman som varslar Duuns seinare utvikling som forfattar, mens "Gamal jord" (1911) er nok ei samling folkelege forteljingar. Innslaget av det irrasjonelle i mennesket er eit element som særmerkjer Duuns seinare dikting.