Skutt blir den som

Som 16-åring skaut han mot eit tysk bombefly som var på tur til Leira og Fagernes med lasten sin. Seinare vart det innkalling til tysk arbeidsteneste. Dette nekta han og mange med han. Som fredlause levde dei i skogane. Dei bygde opp den fyrste leiren på Tonsåsen for norske og etter kvart russiske karar som hadde flykta frå tyskarane. Men dei måtte bu i telt halve vinteren til tømmerhusa var ferdige. Siste krigsvinteren vart det geriljatrening i Buvassfaret. Dei tok imot fallskjermslepp med blytunge konteinarar, fullasta med våpen og militært utstyr. Og dei førebudde seg på kamp. Felles for det meste av det dei dreiv med, var at det var ulovleg. Det var strenge straffer for alt dei gjorde. "Skutt blir den som..." var det vanlege skremselet og den sterke reaksjonen viss dei vart tekne. Dette er historia til ein av dei som valde å flykte til skogs og leva som fredlaus det siste krigsåret...