Ulvehistorier

Ulvehistorier fortel om den dramatiske kampen mellom folket og ulven, slik han kjem fram i bygdebøker og lokalhistorie elles over heile landet. Her er drap på barn og vaksne, tvekampar på liv og død, og ein straum med historier om ihelrivne husdyr. Ofte var det barn ned i småskulealderen som skulle ta opp kampen med udyra i beitemarka. "Gå på!" var beskjeden dei fekk frå dei vaksne, "Prøver du å springe unna, er du fortapt".Det lyser angst, uhygge og fortviling av denne dokumentasjonen, som er eit høgst aktuelt apropos til dagens rovdyrdebatt. Til slutt i boka er det teke med rapportar om omfattande ulvedrap på menneske i Sverige, Finland og Russland.