Tsunami i kroppen

39 år gammal fekk Wenche Løseth hjerneslag og blei fullstendig lamma. Ho blei ramma av det såkalla LIS-syndromet, Locked In Syndrom. På mange måtar er ho innestengd i sin eigen kropp med eit tanke- og kjensleliv heilt intakt. I denne boka, som er den første i serien Livsspor, skriv ho om korleis ho opplevde å få slag og bli heilt lamma. Ho skriv også om kampen fram til det livet ho har i dag, i eigen heim med gode hjelpemiddel og ein støttande familie rundt seg. Boka fortener mange lesarar, og er eit viktig bidrag i arbeidet med å endre mange sitt syn på funksjons-hemming og dei funksjonshemma. Dette er ei bok å bli klok av!