Det ringer

Det ringer er ein karusell av psykologiske portrett som spinn og spør: Er det rart? Er det menneskeleg? Er det rart at det er menneskeleg? Blod i rivjernet, osten som likna raspa gulrøter. Karl kom og sleikte blodet frå fingrane mine. Han sleikte mine sår og spytta ut, som om eg blødde slangegift. Det kan hende eg begynner å bli forelska i han. Eg veit ikkje om eg vil la det skje. Me sprøsteikte den blodige osten oppå pizzaen sidan det er synd å kaste mat.