Gunnars rekordbok

Verdas mest hemmelege rekordbok.

Gunnar har ei bok. Ei bok full av rekordar. Der skriv han om Sivert, som er verdas beste kamerat, om far til Sivert, som må vera verdas blidaste mann, om pappa, som berre ligg på sofaen og er den tristaste Gunnar veit om. Og om Vilde, som har verdas finaste smil.

Men han skriv ikkje om korleis eit hjarte berre kan slutta å slå, og han skriv ikkje om mamma. Han viser ikkje boka til nokon. Ingen får lesa Gunnars rekordbok.

"Kvardagsleg og vakkert om sorg ... ei underfundig og fin bok"

Walter Wehus, Barnebokkritikk.no