La stå!!

Arnt Birkedal med ny roman for unge: "La stå!!" Sjuande klassen er borte vekk. Eller er den eigentlig det? Og kva tyder dei mystiske teikna på tavla? Dei som kjenner Arnt Birkedal sine bøker frå før, vil sjå at denne boka er ein fjern slektning av "Biblioteket på do" frå 2002. "La stå!!" er ei bok for unge i alle aldrar. Arnt Birkedal er fødd 1959 i Stavanger, der han bur. Han debuterte i 1983 med diktboka "Balladen om hålet i dørå" og har sidan skrive ei lang rekke bøker, dikt og prosa, for vaksne og unge. Han har mottatt Samlagsprisen (2007) og Teskjekjerringsprisen (2008) for bøkene sine. Hausten 2011 er han òg aktuell med diktboka "Sinus".