Vereide kyrkje

I 2013 feira Vereide kyrkje 850-årsjubileum, og no er kyrkja si historie for første gong samla mellom to permar. Gjennom nyskrivne artiklar og eit rikt bildestoff inviterer boka til ei reise gjennom hundreåra, med mange glimt frå kyrkja, kyrkjelyden og livet i bygdene.

I mellomalderen var kyrkja ei av dei fire hovudkyrkjene, fjordungskyrkjene, i Firda fylke, og ho er den største steinkyrkja i Sogn og Fjordane. Men kyrkja si historie peikar endå lenger tilbake i tida: Truleg står kyrkja på ein tidlegare soldyrkingsstad.

Boka er ordna i to hovuddelar. I den første delen er historia framstelt kronologisk, frå mellomalderen til i dag. Del to er sett saman av temaartiklar som skildrar ulike sider ved kyrkja og kyrkjelyden: inventar og kunst, kyrkjereis og gudstenesteliv, song og musikk.