Vestlandsk verandafilosofi

Ole Johannes Øvretveit har eit sjeldan humoristisk talent som kan få deg til å slå latterdøra på vid vegg, men som òg let deg sitja att med ein filosofisk ettersmak. I denne boka har vi samla dei beste tekstane han har skrive dei siste ti åra. Det er lette, humoristiske historier frå kvardagslivet som far, kjæreste/ektemann, mann, og samfunnsborgar som treff deg "midt i magen", og får deg til å tenke etter kva det eigentleg handlar om, dette livet. Mange av historiene stammar frå perlerada av kåseri han gjennom mange år gav til beste på lokalradioen. Ole Johannes Øvretveit (f. 1967) er kjend som ankermann i Radio Røysi, det faste humorprogrammet til NRK Sogn og Fjordane. Han er siviløkonom av utdanning, journalist av legning, og underhaldar og familiefar i det daglege. Han bur saman med kone og fire born på Sande, Sunnfjords perle, der han fiskar, går på jakt, ser ungane spele fotball, bryggjer heimebrygg og lever eit liv byfolk flest berre les om i bøker. Slike bøker som denne. Oddrun Midtbø (f. 1964) har illustrert boka. Ho er også eigar av veranda med utsikt ...